ТОШКЕНТ, 7 фев — Sputnik. Россия Федерацияси Федераль Мажлисининг Федерация Кенгаши Евроосиё иқтисодий иттифоқи (ЕОИИ) тўғрисидаги шартномага ўзгартиришлар киритувчи баённомани ратификация қилди, деб ёзади РИА Новости.
Тасдиқланган тузатишлар ЕОИИ давлатлари томонидан қўшма саноат кооперацияси лойиҳаларини амалга оширишда молиявий ёрдам кўрсатишга тааллуқли.
Ҳужжатга мувофиқ, ушбу мақсадлар учун келгуси молиявий йилда ЕОИИ бюджетида назарда тутилган маблағлар миқдори ўтган молиявий йилда иттифоққа аъзо давлатлар бюджетларига махсус, антидемпинг ва компенсация божларидан тушган тушумларнинг умумий миқдорининг фоизи сифатида белгиланади.
Баённомада ушбу фоиз миқдори ва молиявий ёрдам шакли Олий Евроосиё иқтисодий кенгаши томонидан белгиланиши ҳам қайд этилган.
ЕОИИга аъзо давлатлар томонидан лойиҳаларни танлаш ва амалга ошириш, шунингдек, уларга ЕОИИ бюджетидан молиявий ёрдам кўрсатиш тартиби Евроосиё ҳукуматлараро кенгаши томонидан тасдиқланган регламентга мувофиқ белгиланади.