ТОШКЕНТ, 6 фев — Sputnik. АҚШ президенти Жо Байден асосий сиёсий рақиби Дональд Трампнинг дебат ўтказиш таклифини рад этди, деб хабар берди РИА Новости.
Аввалроқ Трамп ўзининг демократ-вориси билан дебат ўтказиш зарурлигига ишонишини, чунки бу мамлакат фаровонлиги учун “муҳим” эканлигини айтганди.
"Агар мен унинг ўрнида бўлганимда, мен ҳам мен билан дебатга киришишни хоҳлардим. Унинг бошқа қиладиган иши йўқ", — деди Байден мухбирларга рақибининг жамоатчилик муҳокамаси таклифини изоҳлар экан.
Давлат раҳбари, шунингдек, Конгрессда Сенат томонидан эълон қилинган, чегарани ҳимоя қилиш, Украина ва Исроилга ёрдам бериш учун ажратмаларни бирлаштирган қўшимча молиялаштириш тўғрисидаги муросали қонун лойиҳасини маъқуллаш истиқболлари ҳақида фикр билдирди.
Шу нуқтаи назардан, Байден Вакиллар палатаси спикери Майк Жонсонга демократ ҳамкасбларидан ўрнак олишни ва ташаббусни қўллаб-қувватлашни тавсия қилди.
“Менинг спикер Жонсонга мурожаатим Сенат нима қилаётганига эътибор беришдир. Икки томонлама келишувимиз бор, тафсилотларни шу ҳафта кўрасиз. У чоршанба куни кўриб чиқиш учун тақдим этилади”, — деди АҚШ президенти.