ТОШКЕНТ, 29 янв — Sputnik. Ўзбекистонга 2023 йилда сайёҳлик мақсадида ташриф буюрган Россия фуқаролари сони ўтган йилга нисбатан 25,8 фоизга ошиб, 714,2 минг кишини ташкил этди. Бу ҳақда РИА Новостига Статистика агентлиги матбуот хизмати хабар берди.
Агентлик ҳисоб-китобларига кўра, туризм статистикасини тузишда Жаҳон сайёҳлик ташкилоти тавсияларидан фойдаланилади.
Ушбу тавсияларга кўра, туризм мақсадларига қуйидагилар киради: дам олиш ва ҳордиқ чиқариш, таълим, хизмат сафарлари, қариндошларни йўқлаш, даволаниш ва тижорат мақсадлари.
Аввалроқ агентлик 2023 йилда Ўзбекистонга хорижий сайёҳларнинг умумий оқими 2022 йилга нисбатан 27 фоизга ошиб, 6,6 миллион кишини ташкил этгани ҳақида хабар берган эди.
РИА Новости агентлигининг Россия Федерациясидан туристлар оқими динамикаси ҳақидаги сўровига жавоб берар экан агентлик вакили “2023 йилда Россия Федерациясидан Ўзбекистонга туризм мақсадида 714 282 киши келган бўлса, 2022 йилда бу кўрсаткич 567 725 кишини ташкил қилди”, деди.