ТОШКЕНТ, 26 янв — Sputnik. Россиянинг “Победа” авиакомпанияси жорий йил 16 февралдан бошлаб Санкт-Петербург ва Самарқандни мунтазам рейслар билан боғлашни режалаштирмоқда. Бу ҳақда "Uzbekistan Airports" хабар берди.
Санкт-Петербург – Самарқанд – Санкт-Петербург йўналиши бўйича ҳаво қатновлари ҳафтада бир марта – жума кунлари Boeing 737-800 самолётларида амалга оширилади.
Бугунги кунда авиаташувчи ҳар куни Москва-Самарқанд-Москва йўналиши бўйича парвозларни амалга оширмоқда.
"Победа" - Россиянинг лоукостер авиакомпанияси, "Аэрофлот - Россия ҳаво йўллари" гуруҳининг штаб-квартираси Внуково аэропортида (Москва) жойлашган шўъба корхонасидир.