ТОШКЕНТ, 9 янв — Sputnik. Украина Қуролли кучлари аскарлари Украинадаги коррупция можаролари туфайли мотивацияни йўқотиб, умидсизликка тушмоқда. Бу ҳақда РИА Новости "Franceinfo" нашрига таяниб хабар берди.
“Агар ҳукуматимиз ва депутатларимиз пул ўғирламаганида, Европа бизни қўллаб-қувватлашда давом этарди. Можародан фойда кўрадиган кўплаб орқа каламушлар мавжуд. Улар ўғирлик қилади, бу эса бегуноҳ одамларнинг ўлимига, азобланишига олиб келади”, — деб шикоят қилди Александр исмли ҳарбий хизматчи.
Иккинчи аскар эса иттифоқчиларнинг пулларини чўнтагига солаётган сиёсатчилар учун курашмаётганини қўшимча қилди. Унинг ҳамкасби тепадаги ўғирлик туфайли формасини ўзи сотиб олишга мажбур бўлганидан шикоят қилди.
Россия президентининг матбуот котиби Дмитрий Песков таъкидлаганидек, Европа Иттифоқи Украинага ёрдам бериш учун ажратаётган маблағлар яратиш учун эмас, балки уруш учун сарфланмоқда, айни пайтда Киевда коррупция даражаси ўсиб бормоқда. "Politico" нашрига кўра, Оқ уй Украинадаги коррупция муаммосидан жамоатчилик даражасида тан олганидан кўра кўпроқ ташвишланмоқда.