ТОШКЕНТ, 6 янв — Sputnik. Олий Бош қўмондон томонидан қўйилган вазифалар доирасида Донецк Халқ Республикасини тўлиқ озод қилиш зарур, деди ДХР раҳбари Денис Пушилин РИА Новости агентлигига.
“Бу ҳақиқатан ҳам хавфсизликни таъминлаш, илгарилаш ва собиқ Донецк вилоятининг маъмурий чегараларига етиб бориш нуқтаи назаридан муҳим. Биз учун ҳозир Олий бош қўмондон томонидан қўйилган вазифалар доирасида бутун Донецк Халқ Республикасини озод қилиш муҳим”, - дея таъкидлади у йилни сарҳисоб қиларкан.
Пушилин 2023 йилда Соледар, Артёмовск ва Маринканинг озод қилинганини муҳим деб атади.
“2023 йил воқеаларга бой бўлди, улар ранг-баранг бўлди. Бизни биринчи навбатда, ҳарбий қисмлар билан боғлиқ ҳамма нарса ташвишга солмоқда. Аҳоли пунктларимизнинг озод этилиши биз учун муҳим бўлди”, — деди ДХР раҳбари.
Соледар шаҳри 2023 йил январида Украина миллатчи кучларидан озод қилинди. Артёмовск 2023 йил 20 май куни Украина Қуролли кучларидан қайтариб олинди. Ҳозир у бутунлай рус қўшинлари назорати остида.
25 декабрь куни Россия Мудофаа вазири Сергей Шойгу Владимир Путинга Донецк яқинида жойлашган Маринка тўлиқ қўлга олингани ҳақида ҳисобот берди. Владимир Путиннинг қайд этишича, бу душман бўлинмаларини Донецкдан узоқлаштиришга имкон беради.