ТОШКЕНТ, 27 дек — Sputnik. Россия Қуролли кучлари қўшинлари “Марказ” гуруҳининг “Акация” ўзиюрар артиллерия тизими (ЎАТ) экипажлари Красний Лиман йўналишидаги Украина Қуролли кучлари шахсий таркиби билан таянч пунктини йўқ қилди. Бу ҳақда Россия Мудофаа вазирлиги хабар берди.
“Марказ” гуруҳининг 152 мм 2С3 “Акация” ЎАТ экипажи артиллериячилари махсус ҳарбий операция ҳудудида Красний Лиман йўналишида УҚК аскарлари билан таянч пунктни йўқ қилишди” — дейилади хабарда.
Қўшимча қилинишича, ҳарбий хизматчилар ҳар куни ўтли зарбалар амалга оширилиши бўйича топшириқларни бажаришмоқда ва 24 соат юқори таййёргарлик режимини сақлашмоқда. Разведка бўлинмаларидан координаталарни олгандан сўнг, артиллерия экипажлари белгиланган нишонларга бир қатор зарбалар берган.
Разведкачилар дронлар ёрдамида нишонларнинг аниқланган тўғри координаталарини тўғридан-тўғри қўмондонлик пунктига жонли эфирда узатадилар, шундан сўнг артиллерия экипажлари янгиланган маълумотлар асосида ҳаракатни давом эттирадилар.
“Машинани қаерга, нишонни қаерга жойлаштириш, қуролни қандай йўналтириш ҳақида ўйлаяпмиз. Тўхтовсиз ўз устимизда ишламоқдамиз ва мукаммалликка интилмоқдамиз”, – деди “Байгаз” чақирувли ўқчи.
Аввалроқ Мудофаа вазирлиги армия авиацияси зарба гуруҳи Красний Лиман йўналишида УҚКнинг аскарлари ва зирҳли техникаси жамланмасини йўқ қилгани ҳақида хабар берган эди.