ТОШКЕНТ, 22 ноя — Sputnik. Россия компанияси Ўзбекистонга қишлоқ хўжалиги учун инновацион технологияларни тақдим этади. Бу ҳақда Россия Федерациясининг Ўзбекистондаги Савдо ваколатхонаси матбуот хизмати хабар берди.
Россиянинг Ўзбекистондаги Савдо ваколатхонасида Россиянинг “ХимАгро” компанияси директори Роман Ятсумира иштирокида учрашув бўлиб ўтди. Унда компаниянинг Ўзбекистондаги фаолияти муҳокама қилинди.
Россия компанияси Ўзбекистонга қишлоқ хўжалиги учун инновацион технологияларни тақдим этади.
© Торговое представительство России в Узбекистане
Корхона ўсимликларни баргидан озиқлантириш учун инновацион ўғитлар ишлаб чиқаради. Бугунги кунга қадар у Ўзбекистонда ўз товар белгисини рўйхатдан ўтказган ва унинг ҳудудида корхона очиш устида ишламоқда.
“Томонлар компаниянинг республика бозоридаги фаолияти истиқболларини, шунингдек, Савдо миссияси томонидан қўллаб-қувватланиши мумкин бўлган чора-тадбирларни муҳокама қилишди”, — дейилади хабарда.
Кўргазма ва ярмаркалар доирасида компания тақдимотига алоҳида эътибор қаратилди. Жорий йилнинг 22 ноябрь куни бошланган “UzAgroExpo 2023” халқаро кўргазмаси шулар жумласидандир.
Маълумот учун, баргдан озиқлантириш - илдиз тизимининг самарасиз ишлаши туфайли юзага келадиган озуқа моддаларининг етишмаслигини қоплаш усули. Ўғит ёрдамида кўчатлар нормал ривожланиш учун керакли миқдордаги озуқа ва элементларни олади.