ТОШКЕНТ, 19 ноя — Sputnik. Бугун республиканинг 16 та шаҳрида “Янги нафас” оммавий югуриш мусобақасига старт берилди.
Югуриш мусобақаси Ўзбекистон Давлат байроғи қабул қилинган кун муносабати билан ташкил этилди. Тошкент шаҳрида ўтказилган тадбирда иштирокчилар 3 ва 10 км масофага югуриш бўйича баҳс олиб боришди.
Анъанага мувофиқ, “Ҳумо арена” мажмуасининг олдидаги майдон Тошкентда ўтадиган пойганинг старт ва финиш нуқтаси сифатида белгиланди.
Аввалроқ “Янги нафас” оммавий югуриш мусобақаси Тошкентда 6000 мингдан зиёд, республика миқёсида эса 100 мингдан ортиқ инсонларни жалб қилиши кутилаётгани маълум қилинганди. Иштирокчилар Тошкент, Нурафшон, Жиззах, Самарқанд, Навоий, Бухоро, Термиз, Андижон, Фарғона, Наманган, Қоровулбозор, Қарши, Хива, Нукус каби шаҳарларнинг марказий кўчаларидан давлат байроғини баланд кўтариб олиб ўтишади.