ТОШКЕНТ, 1 ноя — Sputnik. 2034 йилги жаҳон чемпионати Саудия Арабистонида ўтказилади, дея хабар берди Ўзбекистон футбол ассоциацияси.
Халқаро футбол федерацияси (ФИФА) президенти Жанни Инфантинонинг маълум қилишича, 2034 йилги жаҳон чемпионати Саудия Арабистонида бўлиб ўтади.
ФИФА Осиё ва Океания мамлакатларига мусобақани қабул қилиш учун 31 октябрга қадар ариза юборишни таклиф қилган эди.
"Саудия Арабистони футбол ассоциацияси ушбу муддат тугагунга қадар мезбонлик қилиш учун ариза топширган ягона номзод бўлди", — дейилади хабарда.