ТОШКЕНТ, 31 окт — Sputnik. Шанхайдан Франкфуртга учаётган самолёт Тошкентга қўнди. Бу ҳақда "Uzbekistan Airports" хабар берди.
Германиянинг “Lufthansa” авиакомпаниясининг Шанхайдан Франкфуртга учаётган LH729 йўловчи рейси икки йўловчининг жанжали туфайли Тошкент халқаро аэропортидаги муқобил аэродромга келиб қўнди.
“Экипаж самолёт олдига ҳуқуқ тартибот органлари ходимларини чақиришни сўраган”, — дейилади хабарда.
Бортида 206 йўловчи бўлган Boeing 747-800 маҳаллий вақт билан 17:32 да фавқулодда қўнишни амалга оширди. Жанжал кўтарган йўловчилар рейсдан олиб ташланди. Ҳаво кемаси Тошкентдан белгиланган аэропортга соат 20:36 да учиб кетди.