ТОШКЕНТ, 27 окт — Sputnik. Евроосиё иқтисодий иттифоқида (ЕОИИ) қўшма саноат лойиҳаларини имтиёзли молиялаш тизими белгилаб олинди. Бу ҳақида Бишкекда пайшанба куни бўлиб ўтган ЕОИИ ҳукуматлараро кенгашидан сўнг маълум бўлди.
ЕОИИ ҳукуматлараро кенгашида “Саноатларда қўшма ҳамкорлик лойиҳаларини танлаш ва уларни ЕОИИга аъзо давлатлар томонидан амалга оширишда молиявий ёрдам кўрсатиш тўғрисида”ги низомни тасдиқланди.
Ушбу низом ЕОИИда амалга оширлаётган қўшма саноат лойиҳалари учун банклар томонидан имтиёзли ставка бўйича кредит ажратишни назарда тутади. Бундай кредитлар бўйича механизмда иштирок этувчи банкларнинг максимал ставкаси асосий ставканинг 6,5 фоизга оширилган даражасидан ошмаслиги керак.
Бундай субсидия учун тақдим этилаётган лойиҳалар қуйидаги талабларга жавоб бериши керак:
1.
лойиҳада ЕОИИнинг уч ёки ундан ортиқ мамлакатлари компаниялари иштирок этиши керак;2.
ҳар бир иштирокчи камида 5% материаллар ва бутловчи қисмлар, ускуналар ва дастурий таъминотни етказиб бериши ёки муҳандислик ва қурилиш хизматларини кўрсатиши керак, ёки камида 10% мулк ҳиссаси бўлиши керак;3.
лойиҳалар ЕИК экспертлари томонидан йилига 2 маротаба кўриб чиқилади ва балл тизимидан фойдаланган ҳолда танланадиКелгуси йилда ЕОИИ бюджети ушбу мақсадлар учун қарийб 1,8 миллиард рубль маблағ ажратади.
Ушбу маблағлар ишлаб чиқаришнинг 26 та секторида, енгил саноатдан авиациягача янги ишлаб чиқариш қувваталари ташкил этиш ёки мавжудларни кенгайтириш мақсадларида қўлланилиши мумкин. Маблағлар, хусусан, ер, ишлаб чиқариш асосий воситалари сотиб олиш, лицензиялар ва янги илмий изланишлар учун харажат қилиниши мумкин.
Эслатиб ўтамиз, пайшанба куни Бишкекда Шанхай ҳамкорлик ташкилоти (ШҲТ), ЕОИИ ва МДҲ ҳукумат раҳбарларининг учрашувлари бўлиб ўтди. ШҲТ доирасида асосан хавфсизлик ва транспорт масалалари муҳокама қилинди.