ТОШКЕНТ, 23 окт — Sputnik. Тошкент вилояти Ўрта Чирчиқ туманида 6 та машина иштирокида йўл-транспорт ҳодисаси содир бўлди. Бу ҳақда вилоят ИИББ Йўл ҳаракати хавфсизлиги бошқармаси матбуот хизмати хабар берди.
Маълум қилинишича, ҳодиса 21 октябр куни соат 20:00 ларда туман ҳудудидан ўтган 4Р-22 автомобил йўлининг 20-километрида содир бўлган.
Барча машиналар бир йўналишда ҳаракатланган. Тўқнашувга ёмғирли ҳавода масофани сақламаслик сабаб бўлган.
Ҳайдовчиларига биринчи тез тиббий ёрдам кўрсатилган. Ҳеч ким жиддий жароҳат олмагани айтилмоқда.