ТОШКЕНТ, 23 окт — Sputnik. Россиянинг “Red Wings” авиакомпанияси Қозон – Самарқанд – Қозон йўналиши бўйича мунтазам қатновларни йўлга қўймоқда. Бу ҳақда “Uzbekistan Airports” ахборот хизмати хабар бермоқда.
Бу йўналишдаги парвозлар 30 октябрдан бошланиши кутилмоқда. Рейслар ҳафтада бир марта душанба кунлари мунтазам равишда амалга оширилади.
“Red Wings” Домодедово аэропортида жойлашган Россия авиакомпанияси бўлиб, мунтазам ва чартер йўловчи ташишга ихтисослашган. Бугунги кунда авиаташувчи Ўзбекистоннинг бешта шаҳридан Россиянинг бешта шаҳрига парвозларни амалга оширмоқда.