ТОШКЕНТ, 18 окт — Sputnik. Хитой “Ипак йўли” жамғармасига 11 миллиард доллар қўшади. Хитой раҳбари Си Цзиньпин маълум қилди, деб ёзмоқда РИА Новости.
Хитой “Бир макон, бир йўл” ташаббуси лойиҳаларини биргаликда қуришни қўллаб-қувватлаш учун “Ипак йўли” жамғармасига 80 миллиард юан (10,9 миллиард доллар) қўшади.
“Хитой тараққиёт банки ва Хитой экспорт-импорт банкининг ҳар бири 350 миллиард юан (47,8 миллиард доллар) миқдорида молиялаштириш ойнасини очади ва “Бир макон, бир йўл” ташаббуси лойиҳаларини биргаликда қуришни қўллаб-қувватлаш учун Ипак йўли жамғармасига 80 миллиард юан (10,9 миллиард доллар) янги маблағлар киритилади”, — деди Хитой етакчиси.
Шунингдек, у “Бир макон, бир йўл” олий даражадаги форуми доирасида бизнес-форум ўтказилгани, унинг натижасида 97,2 миллиард долларлик ҳамкорлик келишувларига эришилганини қўшимча қилди.