ТОШКЕНТ, 18 окт — Sputnik. Пекиндаги қатор музокаралардан сўнг Россия президенти Владимир Путин Ўзбекистон ва Қозоғистон президентлари Шавкат Мирзиёев ва Қасим-Жомарт Тоқаев билан норасмий учрашув ўтказди. Бу ҳақда Россия етакчиси матбуот котиби Дмитрий Песковга таяниб, РИА Новости хабар берди.
“Россия, Қозоғистон ва Ўзбекистон раҳбарлари Пекиндаги расмий амалий мулоқотлари якунлангандан сўнг, норасмий учрашув ўтказдилар ва унда долзарб масалалар, жумладан, бир неча кун аввал Бишкекда бўлиб ўтган суҳбатлар ривожини муҳокама қилиш давом этди”, - деди у.
Эслатиб ўтамиз, Россия Федерацияси, Қозоғистон, Ўзбекистон ва бошқа бир қатор давлатлар президентлари “Бир макон, бир йўл” учинчи халқаро форумида иштирок этиш учун Пекинда бўлиб турибди.