ТОШКЕНТ, 12 окт — Sputnik. Бу ўртоқлик учрашуви, аммо биз ҳар доим ўйинлардан фақат ғалаба кутамиз. Бундай фикрни футбол бўйича ёшлар терма жамоаси мураббийси Тимур Кападзе Испания билан ўйин олдидан ўтказилган анжуманда айтиб ўтди, дея хабар берди Sputnik мухбири.
Тимур Кападзе футболчиларнинг тайёргарлигига ишонч билдирди, бироқ Испания футболчилари тактик жиҳатдан яхши эканини тан олди.
“Испания ёшлар терма жамоаси нисбатан яқинда тузилганига қарамай, Испанияда футболчилар болаликдан тактик жиҳатдан кучли эканлигини унутмаслигимиз керак", — дейди Кападзе.
Шунингдек, бош мураббий эртага таркибда ротациялар бўлиши кутилаётгани, Осиё ўйинларидан сўнг терма жамоага келиб қўшилган футболчилар Холматов ва Раҳмоналиевлар майдонга тушиши мумкинлигини айтди.