ТОШКЕНТ, 12 окт — Sputnik. Футбол бўйича Ўзбекистон миллий терма жамоаси 13 октябрь куни Вьетнамга қарши ўртоқлик ўйини ўтказади. Бу ҳақда Ўзбекистон футбол ассоциацияси (ЎФА) матбуот хизмати хабар бермоқда.
Мазкур баҳсда ўзбекистонлик футболчилар тўлиқ кўк либосда, дарвозабон эса яшил либосда ҳаракатланади.
Учрашув эртага соат 16:35 да Хитойнинг Далян шаҳридаги "Dalian Sports Center” стадионида бошланади.
Эслатиб ўтамиз, аввалроқ Ўзбекистон миллий терма жамоаси Вьетнам ва Хитойга қарши ўртоқлик учрашувини ўтказиши хабар қилинган эди.