ТОШКЕНТ, 9 окт — Sputnik. Санжар Эрданов "Ўзбекконцерт" директори вазифасини вақтинча бажарувчи этиб тайинланди. Бу ҳақда муассаса матбуот хизмати хабар берди.
Маданият вазири биринчи ўринбосари Баҳодир Аҳмедов раислигида ўтган йиғилишда "Ўзбекконцерт" раҳбари вазифасини бажариб келган Даврон Шералиев бошқа ишга ўтиши муносабати билан вазифасидан озод этилгани маълум қилинди.
“Шу пайтга қадар директорнинг ижодий масалалар бўйича ўринбосари вазифасида фаолият юритиб келган Санжар Эрданов "Ўзбекконцерт" давлат муассасаси директори вазифасини вақтинча бажарувчи этиб тайинланди”, - дейилган хабарда.
Танқидий руҳда ўтган йиғилишда ўз фаолиятида камчиликларга йўл қўйган ҳудудий бўлим раҳбарларининг айримлари охирги маротаба огоҳлантирилди, айримларига ҳайфсан берилди.
Жорий йил якунигача иш фаолиятида ижобий натижага эришиш зарурлиги таъкидланди. Ўзгариш бўлмаса, вазифасидан озод этилишидан огоҳлантирилди.
Давлат филармонияси директори ўринбосари Даврон Шералиев 2022 йилнинг май ойида "Ўзбекконцерт" директори этиб тайинган эди. Унга қадар Жамолиддин Узоқов муассасага раҳбар қилган эди.