Шавкат Мирзиёевнинг Россияга ташрифи қандай ўтди

ТОШКЕНТ, 7 окт — Sputnik. Шавкат Мирзиёев 5-7 октябрь кунлари расмий ташриф билан Россияда бўлди. Ўзбекистон президентининг ташрифи 5 октябрь куни Қозон шаҳридан бошланди. У ерда Шавкат Мирзиёев Россия - Ўзбекистон учинчи минтақалараро форумида иштирок этди ва Татаристон саноат салоҳияти кўргазмасини томоша қилди. Шунингдек Татаристон раҳбари Рустам Минниханов билан учрашди.

Шавкат Мирзиёевнинг Россияга ташрифи доирасида Ўзбекистон ва Россия ҳукумат муассасалари, уюшма ва компаниялари орасида жами 24 та ҳужжат имзоланди. Владимир Путин ва Шавкат Мирзиёев Кремлда бўлиб ўтган музокара якунлари бўйича қўшма баёнот қабул қилишди.

1 / 13

Шавкат Мирзиёев Россия Федерациясига расмий ташрифнинг биринчи манзили – Қозон шаҳрига келди.

2 / 13

Давлат раҳбарини Россия Ҳукумати Раисининг ўринбосари – саноат ва савдо вазири Денис Мантуров ва Татаристон Раиси Рустам Минниханов кутиб олди.

3 / 13

Шавкат Мирзиёев Қозон шаҳридаги “Казань Экспо” марказида очилган Татаристон саноат салоҳияти кўргазмасига ташриф буюрди.

4 / 13

Давлат раҳбарига Россия Ҳукумати Раисининг ўринбосари – саноат ва савдо вазири Денис Мантуров ва Татаристон Раиси Рустам Минниханов ҳамроҳлик қилди.

5 / 13

Шавкат Мирзиёев “Қозон Кремли” тарихий-меъморий ва бадиий музей-қўриқхонасида бўлди.

6 / 13

Ўзбекистон президенти Қул Шариф масжидини кириб кўрди. Татаристон мусулмонлари диний бошқармаси раиси, муфтий Камиль Самигуллин олий мартабали меҳмонга масжид тарихи ҳақида батафсил сўзлаб берди. Дуо ўқилди.

7 / 13

Шавкат Мирзиёев Россия Федерациясига расмий ташриф доирасида Қозон шаҳрида Татаристон Республикаси Раиси Рустам Минниханов билан учрашув ўтказди.

8 / 13

Шавкат Мирзиёев Россия Федерациясига расмий ташриф дастурининг иккинчи кунида Москва шаҳрининг Александр боғидаги Номаълум аскар қабрига гул қўйди.

/

Медиабанкка ўтиш

9 / 13

Шавкат Мирзиёев Россия Федерацияси Ҳукумати Раиси Михаил Мишустин билан музокара ўтказди.

10 / 13

Шавкат Мирзиёев ва Владимир Путин Кенг кўламли стратегик шериклик ва иттифоқчилик муносабатларини чуқурлаштириш тўғрисида қўшма баёнот қабул қилдилар.

11 / 13

Давлат раҳбарлари ҳузурида икки мамлакат ҳукуматлари ва вазирликлари томонидан имзоланган 10 та ҳужжат алмашилди.

/

Медиабанкка ўтиш

12 / 13

Шавкат Мирзиёев "Газпром" томонидан Ўзбекистонга Россия газини етказиб бериш маросимида иштирок этди.

13 / 13

Шавкат Мирзиёев Москва шаҳридаги Ислом Каримов хиёбонига ташриф буюрди.

Мирзиёевнинг Россияга расмий ташрифининг иккинчи куни қандай ўтди — видео

7 Октябр 2023, 13:48

Шавкат Мирзиёевнинг Россияга ташрифи қандай ўтди — энг ёрқин суратлар