ТОШКЕНТ, 27 сен — Sputnik. Украиналик ҳарбийларнинг етарлича ўқитилмагани Ғарб техникасининг тез-тез бузилишига олиб келди, деб ёзмоқда “The Wall Street Journal” газетаси.
“Украиналик артиллерияларни жанг майдонига юборишдан олдин уларни тайёрлаш учун жуда кам вақт ажратилгани бу бузилишларнинг сабаблари бўлиши мумкин”, - дейилган хабарда.
Украиналик ҳарбийларнинг маълум қилишича, Германиянинг “Rheinmetall” концернининг “Panzerhaubitze” гаубицалари узлуксиз фойдаланиш туфайли тез-тез бузилиб қолади.
Мақолада ёзилишича, украиналикларни бу машиналардан фойдаланишга ўргатиш учун жами 5 ҳафта давом этган. Немис аскарлари эса одатда камида 4 ой ундан фойдаланишни ўрганишади.
Украина армияси 4 июндан буён қарши ҳужум қилишга муваффақиятсиз уринмоқда. 12 сентябрь куни Россия президенти Владимир Путин Киев бу вақтга келиб 71,5 минг ҳарбийси ва 18,5 мингта танк ва бошқа зирҳли машинасини йўқотганини маълум қилди. Россия мудофаа вазири Сергей Шойгу 26 сентябрь куни Украина сентябрь ойининг ўзида 17 мингдан зиёд кишисини йўқотганини маълум қилди. Киевнинг “ қарши ҳужуми” бирор бир натижа бермаган.