ТОШКЕНТ, 26 сен — Sputnik. АҚШ Россия президенти Владимир Путинни Осиё-Тинч океани иқтисодий ҳамкорлиги (ОТИҲ) саммитига таклиф қилмасликка қарор қилди. Бу ҳақда Россия ТИВнинг махсус топшириқлар бўйича элчиси Марат Бердиев маълум қилди, деб ёзмоқда РИА Новости.
Қўшма Штатлар икки томонлама каналлар орқали Россияга бир қатор етакчиларни, жумладан, Россия президенти Владимир Путинни Сан-Францискодаги ОТИҲ саммитига таклиф қилмоқчи эмаслигини маълум қилди.
Аввалроқ президент матбуот котиби Дмитрий Песков Кремл Путиннинг ОТИҲ саммитига таклифини кутиши даргумон, Москва ҳозирча иштирок этиши мумкин бўлган қарорлар қабул қилмаганини айтганди.
"Қўшма Штатлар икки томонлама каналлар орқали бизга бу йил бир қатор етакчиларни таклиф қилмоқчи эмаслигини маълум қилди, чунки уларга нисбатан санкциялар қўлланилади", - деди Бердиев.
Дипломатнинг қўшимча қилишича, Россия томони Вашингтон билан тадбир мезбони сифатида ўз мажбуриятларини бажариши учун ҳамкорликни давом эттирмоқда.
"Мен, Россия Федерациясининг юқори лавозимли амалдори сифатида, улар билан фаол мулоқот қилдим ва яна бир бор Россия раҳбарига таклифнома юборишни сўраб мурожаат қилдим", - дея қўшимча қилди у.
Бердиев бу ҳолатни "афсусланарли" деб атади ва АҚШнинг Путинни Осиё-Тинч океани иқтисодий ҳамкорлиги саммитига таклиф қилмаслик ҳақидаги қарори “Америка томонининг ёмон нияти” ва “кўп томонлама иқтисодий ҳамкорлик масалаларига қарама-қаршилик ёндашувининг давом этаётганини кўрсатиши, соф иқтисодий форумни сиёсийлаштириш, дея қайд этди.