ТОШКЕНТ, 23 сен — Sputnik. Киев томонидан кутилган Abrams танклари фронтда "узоқ яшай олмайди". Бу ҳақда Украина Мудофаа вазирлиги разведка бошқармаси бошлиғи Кирилл Буданов Warzone порталиги маълум қилди, деб ёзмоқда РИА Новости.
"Улар жуда аниқ, яхши тайёрланган операцияларда қўлланилиши керак, чунки агар улар фронт чизиғида ва оддийгина қўшма қуролли жангларда ишлатилса, улар жанг майдонида узоқ вақт омон қолмайди", — деди у.
Шу билан бирга, Украина разведкаси раҳбари Украина қўмондонлиги томонидан кутилаётган узоқ масофали ATACMS ракеталари фронтдаги "вазиятни ўзгартирмаслигини" таъкидлади.
Унинг фикрича, Вашингтон Киевга ижобий таъсир кўрсатиши учун бундай қуролларни "камида юзлаб" етказиб бериши керак. Буданов Россия армиясининг аниқ афзалликларини тан олиб, унинг самолётларига ҳаво ҳужумидан мудофаа тизимлари билан курашиш "жуда қиммат ва самарасиз" эканлигини таъкидлади.