ТОШКЕНТ, 22 сен — Sputnik. Тошкент вилояти ва Хитойнинг Цзянсу провинцияси ўртасида меморандум имзоланди, дея хабар берди вилоят ҳокимлиги.
Тошкент вилояти ва Хитой Халқ Республикасининг Цзянсу провинцияси ўртасида дўстлик муносабатларини ўрнатиш, ҳамкорликни кенгайтириш юзасидан меморандум имзоланди.
Тошкент вилояти ва Хитойнинг Жиангсу провинцияси ўртасида меморандум имзоланди
© Хокимият Ташкентской области
“Учрашувда томонлар ўртасида иқтисодиёт ва савдо, маданият, соғлиқни сақлаш, туризм, спорт, қишлоқ хўжалиги технологиялари, таълим ва бошқа соҳаларда ўзаро ҳамкорлик қилишга келишиб олинди”, — дейилади хабарда.
Вилоят ва Цзянсу провинцияси ўртасида 2018 йилда дўстона муносабатлар ўрнатиш бўйича меморандум имзоланган.
Қайд этилишича, сўнгги йилларда икки вилоят ва штат ўртасида тез-тез кадрлар алмашинуви, яқин иқтисодий алмашинув ва ҳамкорлик йўналишлари кенгайиб бормоқда.
Шунингдек, вилоят бозорига машинасозлик, тўқимачилик ва бошқа маҳсулотлар экспорт қилинаётганлиги айтиб ўтилди.