ТОШКЕНТ, 27 авг — Sputnik. Бирмингем мезбонлигида ўтаётган IBSA Жаҳон ўйинларида пара шахмат баҳслари якунланди. Унда ўзбекистонлик пара шахматчилар 3 та медаль қўлга киритди, дея хабар берди Миллий паралимпия қўмитаси.
Таъкидланишича, эркаклар ўртасида яккалик беллашувларида қатнашган ўзбекистонлик Ахадхон Кимсанбоев кумуш медалга сазовор бўлди. Шунингдек, эркаклар ўртасидаги жамоавий баҳсларда Ахадхон Кимсанбоев ҳамда Илҳом Ғуломов жуфтлиги якунда бронза медалини қўлга киритди.
Шу тариқа ўзбекистонлик пара шахматчилар мусобақани 1 та кумуш ва 2 та бронза медали билан якунлашди.