ТОШКЕНТ, 22 авг — Sputnik. Шавкат Мирзиёев Озарбайжон президенти Илҳом Алиевнинг таклифига биноан ушбу мамлакатга жўнаб кетди. Бу ҳақда президент матбуот хизмати хабар берди.
Шавкат Мирзиёев 22-23 август кунлари давлат ташрифи билан ушбу мамлакатда бўлади.
Ташриф дастурида олий даражадаги музокаралар ҳамда икки мамлакат етакчилари иштирокидаги бошқа тадбирлар ўтказилиши кўзда тутилган.
Кун тартибидан Ўзбекистон-Озарбайжон стратегик шериклик муносабатларини янада мустаҳкамлаш ва устувор йўналишлардаги амалий ҳамкорликни кенгайтириш масалалари ўрин олган.
Музокаралар якунида икки томонлама битимлар қабул қилиниши режалаштирилган.