ТОШКЕНТ, 19 авг — Sputnik. Бугун Чирчиқда Ҳаво флоти куни муносабати билан авиашоу ташкил этилди.
Авиапарвозларда жанговар ва ҳарбий-транспорт самолётлари ҳамда вертолётлар учувчилари ўз маҳоратларини намойиш этишди. Хусусан, ҳарбий самолётлар томонидан самода Ўзбекистон Давлат байроғи тасвири ҳосил қилинди.
Иштирокчилар учувчиларнинг манёврлари ва десантчиларнинг жанговар вертолётидан парашют билан кўргазмали сакрашларини кузатиб боришди.