ТОШКЕНТ, 12 авг — Sputnik. Бугун Ҳивада "Қовун сайли" фестивали ўз ишини бошлади, Туризим қўмитаси.
Хива шаҳрида "Қовун сайли" фестивали бўлиб ўтмоқда. Фестивалда 12 вилоят, 11 ҳудуд ва 2 шаҳар, жумладан, фермер хўжаликлари, давлат идоралари ва хусусий ташкилотлар иштирок этмоқда.
Хивада қовун сайли бошланди
© Комитет по туризму
“Ҳаммаси бўлиб 40 гектар майдонда 66 та павилён бор. Меҳмонлар учун “Гурвак”, “Қиличбой бешак”, “Қори қиз”, “Туя қовун”, “Тўёна”, “Ола замча”, “Хоразм оқ новвоти”, "Кўк гулоби", "Бўрикалла" ва бошқа қовун навлари тақдим этилмоқда”, дейилади хабарда.
Хивада қовун сайли бошланди
© Комитет по туризму
Павилёнларда турли мева-сабзавотлар, қандолатчилик, асаларичилик маҳсулотлари, ҳунармандчилик, чорвачилик ва балиқчилик кўргазмалари, концерт дастури намойиш этилади.
Хивада қовун сайли бошланди
© Комитет по туризму
Эслатиб ўтамиз, “Қовун сайли” фестивали 12-13 август кунлари Хоразм вилояти Хива шаҳридаги Ичан қалъа давлат музейи қўриқхонаси ҳудудида бўлиб ўтади. Фестивални ўтказишдан мақсад вилоятнинг агротуризм салоҳиятини намойиш этиш, ҳудуднинг қадимий полизчилик тажрибаси, ширин-шакар қовун-тарвузлари ва боғдорчилик маҳсулотларининг ноёб турлари ва навларини кенг оммалаштиришдан иборатдир.