ТОШКЕНТ, 31 июл — Sputnik. Душанбе шаҳрида Марказий Осиё футбол ассоциацияси шафелигида футзал бўйича миллий терма жамоалар ўртасида илк бор ўтказилган “CAFA Futsal Cup-2023” мусобақаси якунланди.
Футзал бўйича Ўзбекистон миллий терма жамоаси мусобақа доирасидаги охирги учрашувини Қирғизистонга қарши ўтказди ва 4:0 ҳисобида ғалаба қозонди. Голларга Ҳусниддин Нишонов, Абдулла Солиҳов, Суннатилла Жўраев ва Илҳом Ҳамроев муаллифлик қилишди.
Умумий ҳисобда 9 очко тўплаган Ўзбекистон учинчи ўрин билан турнирни якунлади.
Якуний жадвал
© Ассоциация футбола Узбекистана
Эрон 12 очко тўплаб, “CAFA Futsal Cup-2023” ғолиби бўлди, Афғонистон эса кумуш медалга эга чиқди (10 очко).
Қайд этиш жоизки, ўзбекистонлик футзалчи Ҳусниддин Нишонов мусобақа тўпурари дея эътироф этилди. У мусобақа давомида 5 та гол уришга муваффақ бўлди.
Хусниддин Нишонов
© Ассоциация футбола Узбекистана