ТОШКЕНТ, 26 июл — Sputnik. “Внуково”да ички кийимида олмосларни олиб киришга уринган ўзбекистонлик қўлга олинди, деб хабар қилди РФ Федерал божхона хизмати.
Хабарда айтилишича, ўзини БАА авиакомпания ходимиман деб таништирган Ўзбекистон фуқароси русиги ичига яшириб қўйган қиймати 5 миллион рублдан ортиқ бўлган олмосларни контрабанда йўли билан олиб ўтаётганда “Внуково” божхона ходимлари томонидан ушланди.
Шахсий кўрик вақтида унинг ички кийимидан олмослар — 62 та йирик тошлар ва майда тошлар топилган.
39 ёшли ўзбекистонликнинг багажида кўплаб электрон қурилмалар ва қимматбаҳо тошлар учун 40 та сертификат топилди.
Стратегик аҳамиятга эга товарлар ва ресурслар контрабандаси (РФ Жиноят кодексининг 226.1-моддаси 1-қисми) бўйича жиноий иш қўзғатилди. Бу модданинг санкцияси 7 йилгача озодликдан маҳрум қилиш тарзидаги жазони назарда тутади. Бундан ташқари, у божхона тўловларини тўлашдан бўйин товлагани учун жазога тортилиши мумкин (РФ Жиноят кодексининг 194-моддаси), аммо агар "экспертиза электрон қурилмаларни шахсий фойдаланиш учун мўлжалланмаган янги товарлар деб тан олса".
Айни пайтда суд қарори билан Ўзбекистон фуқаросига нисбатан қамоққа олиш тарзидаги эҳтиёт чораси танланди.