ТОШКЕНТ, 3 июн — Sputnik. АҚШ президенти Жо Байден навбатдаги йиқилишдан кейин таёқдан фойдаланиши керак. бундай фикрни Оқ уйнинг Жорж Буш давридаги тиббий маслаҳатчиси Жонатан Рейнер билдирди, дея хабар берди РИА Новости.
"Ташқаридан ёмон кўринади, лекин унга омад кулиб боқмади, у шунчаки қум қопига қоқилиб кетди", деди шифокор ва одамлар, айниқса қариялар тез-тез йиқилиб тушишини қўшимча қилиб.
У Америка етакчисининг олдинги йиқилишларини эслаб, ўзига хос “қўзғалиш” ва чайқалиб юриш артрит туфайли юзага келган бўлса керак, шунинг учун у бирор нарсага қоқилиб қолганда мувозанатни сақлаш қийинлигини таъкидлади.
“Президентга жуда эҳтиёт бўлишни маслаҳат берган бўлардим, беқарор юзада таёқ ишлатиш ёмон фикр бўлмайди. Биламан, у бунинг ташқи кўринишини ёқтирмаслиги мумкин, аммо йиқилиш бундан ҳам ёмонроқ кўринади", - дея хулоса қилди Рейнер.
Эслатиб ўтамиз, кеча АҚШ президенти Жо Байден Колорадодаги АҚШ Ҳарбий-ҳаво кучлари академияси курсантларига диплом топшириш маросимида йиқилиб тушди.