ТОШКЕНТ, 31 май — Sputnik. Ўзбекистонлик Дилшодбек Хўжаев Осиё – Тинч океани минтақаси информатика олимпиадасида бронза медалини қўлга киритди. Бу ҳақда Фан олимпиадалари бўйича иқтидорли ўқувчилар билан ишлаш департаменти хабар берди.
Минтақавий халқаро олимпиада Хитой давлати томонидан 21 май куни масофавий тарзда ташкил этилди. Унда дунёнинг 33 та мамлакатидан жами 204 нафар иқтидорли ёшлар иштирок этишди.
Олимпиадада иштирок этиш учун саралаб олинган терма жамоа аъзоларидан бири, Дилшодбек Хўжаев бронза медалига сазовор бўлди.
Дилшодбек Хўжаев
© Департамент по работе с одаренными учащимися по предметным олимпиадам
Бу Осиё-Тинч океани минтақаси информатика олимпиадасидаги ўзбекистонлик ўқувчилар томонидан қўлга киритилган илк медаль ҳисобланади.
Дилшодбек Хўжаев Тошкент шаҳар Олмазор туманидаги Ихтисослаштирилган мактабнинг 11-синфида ўқийди.