ТОШКЕНТ, 31 май — Sputnik. Чеченистон раҳбари Рамзан Қодиров дронлар Москвага қилган ҳужумидан сўнг, Россияда ҳарбий ҳолат эълон қилиниши керак деб ҳисоблайди. Бу ҳақда Sputnik радиоси хабар бермоқда.
Унинг сўзларига кўра, “Киев фашистлар раҳбарияти” террорчилик усулларидан фойдаланиш қарорлари қабул қилиниши ҳақидаги гап-сўзлар кўпаймоқда. Шунинг учун у “Киев режими”ни нафақат “нацистлар” ва “иблислар”, балки “террорчилар” деб ҳам аташ кераклигини таъкидлаган.
"Менимча, Россияда ҳарбий ҳолат эълон қилиниши жуда зарур. Бунинг учун эса барча жанговар ресурслардан фойдаланиб, бир вақтнинг ўзида бутун террористик илдизни йўқ қилиш керак. Ҳеч қандай "Украина ҳарбийлари" деган тушунча йўқ деб ҳисоблайман, Украинада ҳеч қандай ҳарбийлар ва сиёсатчилар йўқ – фақат террорчилар бор”, - деб ёзди Қодиров ўзининг Telegram-каналида.
Чеченистон раҳбари, шунингдек, яқин орада Россия қўшинлари махсус ҳарбий операция зонасида қасос нима эканлигини кўрсатиб қўйишини" таъкидлаб, тафсилотларини ошкор қилмади.
"Москвага уюштирилган дронлар ҳужуми ҳеч қандай тактик, стратегик ва психологик аҳамиятга эга эмас деб ҳисоблайман. Ҳарбий йўналишда ўқиганлар буни яхши тушунишади. Уруш эса умуман бошқа жойда давом этмоқда. Ҳужум қилишнинг бундай уринишларига жавоблар кескин бўлмаслиги керак - улар шафқатсиз бўлиши керак. Биз фуқароларимизни ҳимоя қилмоқдамиз, бу ерда мулозамат ва юмшоқлик қилмаслик керак", - деб қўшимча қилди Қодиров.