ТОШКЕНТ, 29 май — Sputnik. Тошкент вилояти Олмалиқ шаҳрида ер ости пиёдалар ўтиш жойи қурилиши муносабати билан марказий кўчалардан бири 2 ой муддатга ёпилди. Бу ҳақда вилоят ҳокимлиги матбуот хизмати хабар берди.
Таъкидланишича, 28 май куни соат 16:00 дан бошлаб, Олмалиқ шаҳри Эҳтиром кўчасининг маълум бир қисми (Ойдин бозори) 2 ой муддатга ер ости пиёдалар ўтиш жойи қурилиши муносабати билан транспорт воситалари ҳаракати учун тўлиқ чекланди. Ушбу кўчани айланиб ўтиш учун ҳайдовчилар Mирзо Улуғбек, Тотувлик, Байналминалчилар кўчалари орқали ҳаракатланади.
© пресс-служба хокимията Ташкентской области
“Ҳайдовчилардан ушбу ҳолатни инобатга олган ҳолда ҳаракатланишларини, ҳаракатланиш вақтида йўл ҳаракати қоидаларига амал қилишларини сўраб қоламиз”, - дейилади хабарда.