Ўзбекистонлик боксчилар Россиядаги халқаро турнирда 12 та медални қўлга киритишди

ТОШКЕНТ, 27 май — Sputnik. Ўзбекистонлик боксчилар Россиянинг Хабаровск шаҳрида бокс бўйича эркаклар ва аёллар ўртасида Константин Коротков хотирасига бағишланган халқаро турнирда 12 та медал сазовори бўлишди, дея хабар берди Миллий олимпия қўмитаси.

Мусобақада эркаклар ва аёллар таркиби билан қатнашган Ўзбекистон терма жамоаси умумий ҳисобда 12 та медалга сазовор бўлди.

Вакиллар турнир якунига кўра 3 та олтин, 5 та кумуш ва 4 та бронза медалларини қўлга киритишди.