ТОШКЕНТ, 22 май — Sputnik. Наманганда ўтказилаётган 62-халқаро гуллар фестивали доирасида илк бор катта масштабда Namangan Tech Summit - халқаро IT форуми бўлиб ўтди. Бу ҳақда Sputnik мухбири хабар берди.
© Sputnik/Достонбек Рахматуллаев
Унда таълим резидентлари, замонавий ахборот технологиялари, рақамли иқтисодиёт, креатив тадбиркорлик, илмий ва касбий йўналишлар бўйича тақдимотлар ўтказилди.
© Sputnik/Достонбек Рахматуллаев
“Сўнгги уч йилда вилоятда IT-компаниялар сони ўн баробарга ортиб, қарийб 200 тани ташкил этмоқда. IT соҳасидаги хизматлар экспортида ҳам Наманган Республикада кучли учликдан ўрин эгаллаган”, - деди Наманган вилояти ҳокими Шавкат Абдуразаков.
© Sputnik/Достонбек Рахматуллаев
Бундан икки ярим йил аввал Наманган тажрибаси сифатида вилоятнинг барча шаҳар-туманларида 14 та IT таълим марказлари ташкил этилган.
Ҳозирда вилоятда бундай IT таълим марказлари сони ўн баробарга ортиб, қарийб 150 тага етган. Унда минглаб ёшлар замон талабидаги касбни эгалламоқда.
© Sputnik/Достонбек Рахматуллаев
Улар орасида Finnet technologies, Intelligent Wave, United IT clubs, PDP University, Thinkland , FrontEnd Development каби замонавий инновацион секторлар мавжуд.
Ҳозирда соҳани ривожлантиришда Россия, Хитой, Туркия, Япония, Буюк Британия, Корея Республикаси ва бошқа мамлакатлар билан ҳамкорлик йўлга қўйилган.