ТОШКЕНТ, 18 май — Sputnik. Тошкент шаҳрида иккита янги автобус йўналиши йўлга қўйилди. Бу ҳақда Тошкент шаҳар транспорт бош бошқармаси хабар берди.
Пойтахтда 1 июндан бошлаб 131-сонли ва 156-сонли янги автобус йўналиши ташкил этилмоқда.
Унга кўра, 131-сонли “Дўстлик 2-мавзеси - Олимпия мавзеси” оралиғида магистрал автобус йўналиши ташкил этилмоқда.
Йўналиш “Дўстлик 2-мавзеси - Олимпия мавзеси” оралиғида "King Long" русумдаги ўта катта сиғимли автобуслар 17 та жадвал асосида 9 дақиқалик оралиқ интервал билан ҳаракатланади.
Шунингдек, 156-сонли “Ғалаба маҳалласи-Қипчоқ транспорт ўтиш боғламаси” янги етказиб берувчи автобус йўналиши ташкил этилмоқда. Ушбу автобус йўналиши 4 та жадвал асосида ҳаракатланади.
Ушбу янги автобус йўналиши 75-сонли автобус йўналиши Қипчоқ транспорт ўтиш боғламасига қадар қисқартирилганлиги сабабли ҳамда Обод, Самарқанд, Саидота, Ғалаба маҳалларида истиқомат қилаётган кўп сонли аҳолининг эҳтиёжини, талаб ва таклифларини инобатга олган ҳолда ташкил этилмоқда.