ТОШКЕНТ, 12 май — Sputnik. Қирғизистон ва Ўзбекистон автомобил йиғиш ва ишлаб чиқариш заводини қуришни бошлади, дея хабар берди Sputnik Қирғизистон.
Чуй вилоятининг Оқ-сув қишлоғида “Алтын Тулпар Унаа Курулуш” автомобиль ва енгил автомобилларини йиғиш ва ишлаб чиқариш заводи қурилиш майдончасига капсула жойлаштирилди.
Старт строительства завода по сборке и производству легковых автомобилей и коммерческой техники
© FOTO пресс-служба кабинета министров КР / Эргеш Жусубалиев
Капсулани жойлаштириш маросимида Қирғизистон Вазирлар Маҳкамаси раҳбари Оқилбек Жапаров иштирок этди.
“Икки республика ўртасидаги дўстлик янги босқичга кўтарилди. Бунинг исботи - завод қурилиши учун капсуланинг жойлаштирилиши. Бу икки давлат учун стратегик муҳим лойиҳадир”, - дея қайд этди Жапаров.
Корхонанинг ишлаб чиқариш қуввати йилига 10 минг дона автомобилни ташкил этади, 1000 дан ортиқ иш ўрни яратилади.
Старт строительства завода по сборке и производству легковых автомобилей и коммерческой техники
© FOTO пресс-служба кабинета министров КР / Эргеш Жусубалиев
Қирғизистонда завод қуриш бўйича келишувга Ўзбекистон президентининг йил бошидаги расмий ташрифи чоғида эришилган.