ТОШКЕНТ, 12 май — Sputnik. Асадхўжа Мўйдинхўжаев Тошкент мезбонлигида ўтаётган эркаклар ўртасидаги бокс бўйича жаҳон чемпионатининг финалига чиқди.
Мўйдинхўжаев ярим финал жангини мўғулистонлик Мишелт Баттумурга қарши ўтказди ва 5:0 ҳисобида ғалабага эришди.
Аълохон Абдуллаев эса ярим финалда бразилиялик Вандерлей Перейрага қарши рингга кўтарилди ва 1:4 ҳисобида имкониятни бой берди.
Аълохон Абдуллаев
© Федерация бокса Узбекистана
Ўзбекистон жамоаси таркибидаги энг ёш боксчи дунё биринчилигини бронза медали билан якунлади. Қайд этиш жоизки, 19 ёшли Абдуллаев учун биринчи ЖЧ эди.
Эслатиб ўтамиз, аввалроқ Баҳодир Жалолов ва Ойбек Жўраев жаҳон чемпионатининг финалига йўл олгани хабар қилинган эди. Финал жанглари 14 май кунлари бўлиб ўтади.