ТОШКЕНТ, 5 май — Sputnik. Тошкент мезбонлигида ўтаётган бокс бўйича жаҳон чемпионатининг бешинчи кун баҳслари бўлиб ўтмоқда.
2021 йилги жаҳон чемпионатининг финалчиси Абдумалик Халоков ҳам Тошкентдаги жаҳон чемпионатида биринчи жангини ўтказди.
-57 кг вазн тоифасида баҳс олиб бораётган ўзбекистонлик боксчи дастлабки беллашувда Гайана вакили Кевин Аликокни мағлубиятга учратиб, кейинги даврага йўл олди.
Аввалроқ бугун рингга кўтарилган Лазизбек Мулложонов илк жангини колумбиялик боксчига қарши ўтказгани ва ғалабага эришгани хабар қилинган эди.