ТОШКЕНТ, 30 апр — Sputnik. Бугун Ўзбекистонда Конституциясига ўзгартиришлар киритиш бўйича референдумда овоз бериш якунланди. Айрим хориж мамлакатларда жараён давом этмоқда.
Республика бўйича ташкил этилган жами 10758 та референдум участкаси ўз ишини соат 20:00 да якунлади.
Ўзбекистоннинг чет давлатлардаги дипломатик ва бошқа ваколатхоналари ҳузурида 55 та референдум участкаси тузилган. Шундан Владивосток, Токио, Сеул, Кванджу, Пекин, Шанхай, Гуанджоу, Куала-Лумпур ва Сингапур шаҳарларидаги референдум участкаларида овоз бериш жараёнлари якунланди.
Ушбу референдум участкаларида овоз бериш натижаларини аниқлаш, бюллетенларни санаш жараёнлари бошланган. Охирги участка 1 май, Тошкент вақти билан 05:00 да АҚШда ёпилади.
Референдумда овоз бериш билан боғлиқ умумий маълумотлар 1 май куни эълон қилинади.
Эслатиб ўтамиз, референдумда овоз берувчилар рўйхатига 19 млн 722 минг 809 нафар фуқаро киритилган. Ўзбекистон Республикаси референдумини ўтказувчи участка ва округ комиссияларидан олинган маълумотларига кўра, соат 17:00 ҳолатига овоз берувчи фуқароларнинг 15 млн 802 минг 095 нафари ёки 81,39 фоизи овоз берди.
Референдум по внесению изменений и дополнений в Конституцию Республики Узбекистан в посольстве Узбекистана в Москве 30 апреля 2023 года. Информационная брошюра.
© Sputnik / Владимир Алексеев
Бугун МСКнинг матбуот марказида “Ўзбекистон Республикаси Конституцияси тўғрисида”ги Конституциявий қонун лойиҳаси бўйича референдум тадбирларини ташкил этиш ва ўтказиш бўйича брифинглар ўтказилди.
Выступление Замминистра МВД Бекмурод Абдуллаев
© Sputnik
Унда МСК, Адлия вазирлиги, Ташқи ишлар вазирлиги, Ички ишлар вазирлиги, ЎзННТМА Кенгаши, Бош прокуратура, Олий суд, партиялар ва бошқа давлат идоралари ҳамда ташкилотлари вакилларининг референдум жараёнлари ҳақидаги ҳисоботлари тингланди.
Марказий сайлов комиссияси томонидан соат 11:00, 13:00, 15:00 ва 17:00 ҳолатига кўра, референдумда овоз берганлар сони эълон қилиб борилди.