ТОШКЕНТ, 30 апр — Sputnik. Референдум участкаларида овоз бериш натижаларини аниқлаш, бюллетенларни санаш жараёнлари бошланди, дея хабар берди Sputnik мухбири.
Тошкент шаҳри Миробод туманида жойлашган 121-референдум участкасида бюллетенларни санаш жараёнлари бошланди.
Овоз бериш қутиларини очиш навбатма-навбат амалга оширилади аввал кўчма, сўнгра стационар овоз бериш қутилари очилади. Овозлар бевосита референдум ўтказувчи участка комиссияси аъзолари томонидан санаб чиқилади.
Подсчет голосов на участке референдума №121
© Sputnik/Зафар Халилов
Овоз бериш бюллетенининг ҳақиқийлигига шубҳа туғилса, масала референдум ўтказувчи участка комиссияси томонидан овозга қўйиш орқали ҳал этилади.
Овоз бериш бюллетенини ҳақиқий эмас деб топиш тўғрисида қарор қабул қилинса, участка комиссияси унинг орқа томонида ҳақиқий эмаслигининг сабабларини кўрсатади.
Подсчет голосов на участке референдума №121
© Sputnik/Зафар Халилов
Бу ёзув референдум ўтказувчи участка комиссияси камида уч аъзосининг имзолари билан тасдиқланади.
Референдум ўтказувчи участка комиссияси референдумда иштирок этиш ҳуқуқига эга бўлган фуқароларнинг умумий сонини, бюллетенларни олган фуқароларнинг сонини аниқлайди.