ТОШКЕНТ, 29 апр — Sputnik. Энг охирги референдум участкаси 1 май куни Ўзбекистон вақти билан соат 9:00да очилади. Бу ҳақда Марказий сайлов комиссияси раиси Зайниддин Низамходжаев матбуот анжуманида маълум қилди, дея хабар берди Sputnik мухбири.
Қайд этилишича, республикада референдумда овоз бериш жараёнлари 30 апрель куни соат 08:00 дан бошланади. Хорижий давлатларда тузилган референдум участкалари ўша давлатларнинг маҳаллий вақти билан очилади.
"Энг охирги референдум участкаси 1 май куни Нью-Йорк шаҳрида Ўзбекистон вақти билан соат 9:00да очилади", дея журналистларнинг саволига жавоб берди МСК раиси.
Эслатиб ўтамиз, хориждаги Ўзбекистон фуқаролари мамлакатнинг чет давлатлардаги дипломатик ва бошқа ваколатхоналари ҳузурида тузилган 55 та референдум участкасида овоз беришлари мумкин.