ТОШКЕНТ, 15 апр — Sputnik. Референдум куни ногиронлиги бор шахслар учун бепул транспорт қатнови йўлга қўйилади. Бу ҳақда Марказий сайлов комиссиясининг № 1237-сонли қарорида назарда тутилган.
Ҳужжат билан референдумда овоз бериш бюллетенини тўлдириш учун Брайль алифбоси асосида тайёрланадиган трафарет тасдиқланди. Унга кўра, референдум учаткаларига 19 апрелга қадар тегишли миқдордаги трафаретлар етказиб берилади.
Бюллетень
© ЦИК
Ногиронлиги бор шахслар учун референдум участкаларида қуйидаги шароитлар яратилади:
ногиронлиги бўлган ва жисмоний имконияти чекланган шахслар учун махсус жиҳозланган яширин овоз бериш кабиналари жойлаштирилади;
заруратга кўра, референдум участкаларида кўзи ожиз ва заиф кўрувчи овоз берувчи фуқаролар учун оптик лупалар ҳамда ёриткичлар қўйилади;
эҳтиёждан келиб чиқиб, ногиронлиги бўлган овоз берувчи фуқаролар гавжум яшайдиган ҳудудларда, уларнинг референдум участкаларига келиб кетишлари учун бепул транспорт қатнови йўлга қўйилади;
референдум участкаси жойлашган биноларнинг кириб-чиқиш жойларига эни камида 90 см ва чиқиш бурчаги (қиялиги) 300 дан кўп бўлмаган нишаб йўлакчалар (пандуслар) ўрнатилади.
Қолаверса, овоз бериш биноларига яқин бўлган автомобиллар тўхтаб туриш жойларида ногиронлиги бўлган шахсларнинг автотранспорт воситалари учун тўхтаб туриш жойлари ташкил этилади.