ТОШКЕНТ, 12 апр — Sputnik. Референдумда муддатидан олдин овоз бериш иш кунлари соат 9:00, дам олиш кунлари эса соат 12:00 дан бошланади. Бу ҳақда Марказий сайлов комиссиясининг мажлисида маълум қилинди.
Қайд этилишича, 19 апрель куни референдумда муддатидан олдин овоз бериш жараёни бошланади. Жараён 26 апрель куни якунланади.
“Референдум участкасида муддатидан олдин овоз бериш вақти иш кунлари соат 9:00 дан соат 18:00 га қадар, дам олиш ва байрам кунлари соат 12:00 дан соат 16:00 га қадар бўлиб ўтади”, дейди МСК котиби Худоёр Маматов.
Эслатиб ўтамиз, Ўзбекистон Конституциясига оид референдум 30 апрель – якшанба куни ўтказилади.