ТОШКЕНТ, 7 апр — Sputnik. Халқаро математика олимпиадаси жамоаси билан кучайтирилган ўқув машғулотларини олиб бориш учун хорижий мутахассис таклиф қилинди. Бу ҳақда Мактабгача ва мактаб таълими вазирлиги хабар берди.
Шу йилнинг Япониянинг Чибо шаҳрида 2-13 июль кунлари 64-Халқаро математика олимпиадаси бўлиб ўтади.
Айни кунларда нуфузли халқаро математика олимпиадасида иштирок этадиган Ўзбекистон терма жамоасига номзодларни саралашнинг якуний босқичи бўлиб ўтмоқда.
Таклиф этилган хорижий мутахассис Григорий Челноков саралаш босқичи учун бошқа олимпиадаларда фойдаланилмаган янги топшириқлар тузиш ҳамда ўқувчилар билан кучайтирилган ўқув машғулотларини олиб бормоқда.
Халқаро математика олимпиадаси
© Мактабгача ва мактаб таълими вазирлиги
Григорий Челноков математика фанлари номзоди, Москва Иқтисодиёт Олий мактаби Математика факултети ўқитувчиси. У 2000 йилдан буён турли мамлакатларнинг терма жамоаларини халқаро математика олимпиадасига тайёрлаб келмоқда.
Халқаро Жаутиков олимпиадаси, Шаҳарлар турнири, Умумроссия математика олимпиадаси каби олимпиадаларда ҳакамлар ҳайъати таркибида фаолият олиб боради. У комбинаторика, сонлар назарияси, геометрияга оид қатор масалалар муаллифи.