ТОШКЕНТ, 30 мар — Sputnik. Интернетда Франция президенти Эммануэл Макронни ҳақорат қилган аёл ҳибсга олинганидан сўнг "Макронахлат" хештеги Twitter трендларида биринчи ўринни эгаллади, деб хабар берди GetDayTrends.
Илова маълумотларига кўра, у дунё трендлари бўйича тўртинчи ўринни эгаллаяпти, аммо ижтимоий тармоқ бундай юқори кўрсаткичларга чиққан хештегни кўрсатмаяпти.
Аввалроқ Facebook* ижтимоий тармоғида "ахлат эртага соат 13 да гапиради <...>" - деган пост ёзган франциялик аёлнинг ҳибсга олиниши ҳақида хабар берилганди. Эртаси куни Эммануэл Макрон куннинг ўртасида France 2 ва TF1 каналларида телеинтервью бериши керак эди.
"Voix du Nord" газетасига кўра, аёл 20 июнь куни суд олдида жавоб беради. Франция Жиноят кодексининг 433-5-моддасига биноан унга бир йил қамоқ жазоси ва 15 минг евро жарима солиниши мумкин.
"Journal du Dimanche" нашри учун 19 март куни Ifop томонидан ўтказилган сўровномасига асосан пенсия ислоҳоти фонида Макроннинг машҳурлик рейтинги 2019 йилдан бери рекорд даражага тушди, унинг ҳаракатларини аҳолининг атиги 28 % қўллаб-қувватламоқда.
Сешанба куни бутун Франция бўйлаб ҳукумат томонидан қабул қилинган пенсия ислоҳотига қарши ўнинчи умуммиллий иш ташлаш пайтида намойишлар бўлиб ўтди. Баъзи жойларда улар тартибсизликлар ва полиция билан тўқнашувларга айланиб кетди. Франция ИИВ маълумотларига кўра, мамлакат бўйлаб намойишларда 740 минг киши, Парижда 93 минг киши қатнашди.
16 март куни Франция бош вазири Элисабет Борн парламент билан келишувисиз пенсия ёшини 62 ёшдан 64 ёшгача кўтариш тўғрисида қонун лойиҳасини ўтказиш учун Конституциянинг 49.3-моддасидан фойдаланди. Аввалроқ бу ташаббус аллақачон норозиликларнинг кучли тўлқинига сабаб бўлганди, уларнинг аксарияти бутун мамлакат бўйлаб миллиондан ортиқ иштирокчиларни тўплаганди. Намойишчилар ва полиция ўртасидаги тўқнашувлар ва тартибсизликлар билан бирга ўтди.
Аҳолининг норозилиги президент Макроннинг интервьюсидан сўнг янада кескинлашди, унда у янги қонунни қўллаб-қувватлади ва расмийлар французларга унинг зарурлигини яхшироқ тушунтириб бера олмаганидан афсусда эканлигини билдирди. У ислоҳотни қўллаб-қувватлади ва фуқаролар ўзларининг сайланган депутатлари орқали ўз позицияларини ифода этишларидан фарқли ўлароқ, "оломоннинг қонунийлиги йўқ" деб таъкидлади.
* Meta (Facebook ва Instagram) Россияда экстремистик ташкилот деб топилган.
Мавзуга доир: