ТОШКЕНТ, 11 мар — Sputnik. Иброҳим Абдураҳмоновга UNESCO’нинг халқаро мукофоти топширилди. Бу ҳақда Олий таълим, фан ва инновациялар вазири матбуот котиби Назокат Абдуқундузова маълум қилди.
Олий таълим, фан ва инновациялар вазири Иброҳим Абдураҳмонов Экваториал Гвинея Миллий университети (National University of Equatorial Guinea)да бўлиб ўтган матбуот анжуманида иштирок этди.
Унда вазир UNESCO’нинг табиий фанлар соҳасидаги тадқиқотлар бўйича халқаро мукофотига сазовор бўлди.
Иброҳим Абдураҳмонов
© Олий таълим, фан ва инновациялар вазирлиги
Мукофот миқдори 350 минг долларни ташкил қилади. Бу сумма тўрт ғолиб орасида тенг бўлинади.
Мукофотланганларнинг тадқиқотлари озиқ-овқат хавфсизлиги, пахта навларини такомиллаштириш, вакциналарни ишлаб чиқиш ва оғир ирсий касалликларни даволашнинг инновацион усулларига қаратилган.