ТОШКЕНТ, 11 мар — Sputnik. Ташқи ишлар вазири в.б. Бахтиёр Саидов бошчилигидаги Ўзбекистон делегацияси Эрон Ислом Республикасига ташриф буюради, дея хабар берди вазирлик матбуот хизмати.
Қайд этилишича, делегациянинг Эронга ташрифи 11-12 март кунлари амалга оширилади.
Бўлажак музокаралар чоғида савдо-иқтисодий ҳамкорликни янада ривожлантириш ва транспорт-коммуникация соҳасидаги ўзаро алоқаларни фаоллаштириш истиқболларини муҳокама қилиш режалаштирилган.