ТОШКЕНТ, 7 мар — Sputnik. Россиянинг “Победа” авиакомпанияси Москвадан Самарқандга тўғридан-тўғри парвозларни амалга оширади. Бу ҳақда “Uzbekistan Airports” хабар берди.
Таъкидланишича, авиакомпания 21 апрелдан бошлаб Москва ва Самарқандни тўғридан-тўғри чартер рейслар билан боғлашни режалаштирмоқда.
Москва-Самарқанд-Москва йўналиши бўйича парвозлар ҳафтасига икки марта — пайшанба ва якшанба кунлари амалга оширилиши режалаштирилган.
“Победа” — “Россия ҳаво йўллари” гуруҳининг шўъба корхонаси Россиянинг арзон авиакомпанияси бўлиб, штаб-квартираси Внуково (Москва) аэропортида жойлашган.